هاشتاج #سيناء_خارج_التغطية محاولة لكسر التعتيم الإعلامي على حقيقة الوضع و المعاناة في سيناء

وكالة الأنباء الإسلامية - حق
أطلق نشطاء مصريون حملة تضامنية مع أهالي سيناء المحاصرين والمقطوعين تماما عن العالم الخارجي في محاولة لكسر التعتيم الاعلامي على حقيقة الوضع والمعاناة في سيناء.
وفيما يلي بعض الردود والمشاركات في الهاشتاج #سيناء_خارج_التغطية :
تواصل أهالى شمال سيناء نشر رسالتها فى قطع شبكات الانترنت والمحمول نهارًا وعودتها ليلاً لاكثر من 6 اشهور واغلاق كوبرى السلام و القتل العشوائي للمدنيين في سيناء …
=====
كم شخص مات عشان مش عارفين نتصل بالاسعاف بسبب ان #سيناء_خارج_التغطية
=====
تابعوا هاشتاج #سيناء_خارج_التغطية علشان تعرفوا مدى حقارة اللى بيحكموا البلد دى وازاى هما اللى بيصنعوا الارهاب بوساختهم
=====
الموظفين واصحاب المعاشات بيقعدو اكتر من 10ايام عشان يعرفو يقبضو مرتباتهم
=====
كام واحد شغلة على الانترنت والمحمول اتقطعت كام واحد شغلة اتدمر نهائى بسبب النت والاتصال
=====
محاكمااااااااااات عسكرية للصحفين لو إتكلموا عن الواقع المرير
=====
انت مبتقدرش تقعد خمس دقايق من غير موبايلك ..صح؟ احنا بقي بنعد بال14ساعة وطلعان عين أبونا عادي جدا
=====
6 شهور نفسنا حد يتكلم عنا #سيناء_خارج_التغطية
=====
معناة سيناء اليومية للاسف الناس المسئولة مش قادرة تقدر وتحس ان ناس كتير سابت البلد بسبب امور كتير ودة الى هما عايزينو
=====
سيناء_خارج_التغطية ومئات من المدنيين بيتم محاكمتهم امام المحاكم العسكرية في انتهاك لحقوقهم في محاكمة عادلة وكل ده عشان مفيش حد بيتكلم عنهم
=====
الشبكه تقطع طوول النهار ولو حد من اهلك او قرايبك تعب وانت في شغلك وماعرفش يستنجد بيك , يتحرق يعني ولا ايه
=====
كم من حقوق سلبت تحت دعوى الحرب على الارهاب… الا يعلمون انه ان ظلت #سيناء_خارج_التغطية سيزيد الارهاب والارهابيين؟!!!
=====
مش مجرد #سيناء_خارج_التغطية بس لكن كمان حظر التجول بيبدا من اربعه العصر الي ثاني الصبح وكسر الحظر يعني ضرب نار بشكل مباشر
=====
القنوات مبتعرفنا حاجه ولا بتسمعنا عنها حاجه غير فى عيد تحرير سيناء بأغنية سينا رجعت كمله لينا. #سيناء_خارج_التغطية
=====
6 شهور واحنا بنستنى لحد المغرب علشان نعرف مين مات ومين عايش #سيناء_خارج_التغطية
====
امرأة حامل في #العريش وقعت في الحمام مقدرتش توصل لجوزها على المحمول النهاري فكانت النتيجة الإجهاض وكانت هتموت من النزيف #سيناء_خارج_التغطية
====
سيناء_خارج_التغطية لمدة 12 ساعة يومياً يعني مفيش إسعاف .. يعني وقف الحال والمصالح والأشغال .. يعني العودة لما قبل اختراع التليفون الأرضي
=====
قطع الاتصال اليومي من سنترال #العريش يصاحبه حفلة إطلاق نار عشوائي من القوة المرافقة لمندوب سلاح المهندسين اللي بينفذ
و انت داخل سينا ماتنساش تقرا الفاتحة علي الأموات . كلنا أموات بأمر اصحاب البلد #سيناء_خارج_التغطية
====
8 شهور و انت كل يوم حاطط أيدك علي قلبك خايف تحصل حاجه و انت مغيب مع قطع الشبكات #سيناء_خارج_التغطية
====
دي مش حرب علي الإرهاب ، دي حرب علي حق المواطنة،حرب علي الانسانية و الآدمية #سيناء_خارج_التغطية
====
حتي وسيله الاتصال البري بمصر -الكوبري قفلوه ناقص يبنو سد منيع علشان يردمونا و احنا عايشين #سيناء_خارج_التغطية
====
لما الناس تقف طوابير قدام ماكينات سحب الفلوس بالليل علشان تعرف تجيب أكل لان الصبح مافيش شبكات … يبقي انت في سينا
لن تعرف مدى لهفتك أن تتطمئن على أولادك و زوجتك و تسمع صوتهم من داخل #مصر ألا لو كنت تعمل فى #سيناء.#سيناء_خارج_التغطية.
===
يا ترى كم واحد أتصاب فى حادث سيارة على الطريق الدولى و لم يتم أسعافه بسبب قطع شبكات المحمول فى #سيناء #سيناء_خارج_التغطية
وعلشان #سيناء_خارج_التغطية شبكات المحمول المصريه مقطوعه طول النهار في حين شبكات اسرائيل وفلسطين اصلا متوغله بسيناء وأقوي
===
سيناء_خارج_التغطية يعني الصحفي الي ينقل اي خبر يتحبس مش مصدق .. اسال #أبودراع

تعليقات الفيسبوك